Tækjaforritun 

Tækjaforritun & Rafrásir

Á námskeiðinu fá nemendur tækifæri til að leysa hin ýmsu verkefni með því að skapa lausnir með LittleBits rafrásum. LittleBits eru lítríkir kubbar sem smellast saman með seglum til að endurspegla rafrásir og efla sköpunarkraft nemenda.

Á námskeiðinu verður einnig unnið með Makey Makey örtölvuna sem er frábært tæki sem breytir einföldum hlutum í stjórntæki fyrir tölvuna. Sem dæmi má nefna banana, blóm og hnífapör sem breytt er í hljóðfæri eða lyklaborð.

Nemendur fá einnig að kynnast hönnun tölvuleiks með Bloxels kubbum og hvernig hægt er að vekja hann til lífs með Bloxels appinu. Yngstu nemendurnir fá að kynnast því hvernig hægt er að lita mynd á blaði og sjá síðan lifandi þrívíða útgáfu í spjaldtölvu.

Við skoðum líka Raspberry Pi og hvernig hún hefur verið nýtt til að setja saman eitt stykki Kano tölvu og hvernig hægt er að nýta þá tölvu til að forrita og kynnast einföldum tölvuskipunum.

Svo má ekki gleyma róbótafjölskyldunni okkar en við setjum upp hinar ýmsu þrautir til að leysa með Ollie, Sphero og BB-8 róbótunum.

Í lok hverrar annar er öllum nemendum boðið í heimsókn til CCP.

Helstu upplýsingar

  • Undanfari: Enginn.
  • Level: 1
  • Aldur: 7-10 ára
  • Tól: LittleBits, Makey Makey, Floors, Rasberry Pi, Kano, ýmis vélmenni.

Næstu námskeið

Helgarnámskeið

  • 28.-29.október  (kl. 14:00-17:00) fyrir 7-10 ára í Háskólanum í Reykjavík. Verð 13.700 kr.
Skráning fer fram á skema.felog.is (ekki er hægt að nýta tómstunda- & frístundastyrki á helgar- & sumarnámskeið)

10 vikna námskeið

  • Háskólinn í Reykjavík: sunnudagar kl. 13:30 - 14:45 - byrjar 1. október
Skráning og nýting tómstunda- & frístundastyrkja fer fram á skema.felog.is